لە 12%ـی کارەکانی پڕۆژەی ئاوی گۆپتەپە - چەمچەماڵ تەواو بووە

ئاڤا نیوز

 

لە 12%کارەکانی پڕۆژەی ئاوی گۆپتەپە - چەمچەماڵ تەواو بووە و ئاڤا میدیا وادەی تەواوبوونی پڕۆژەکە ئاشکرا دەکات.

 

وێنە گەورەکە: پڕۆژەی ئاوی گۆپتەپە – چەمچەماڵ یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، مانگی ئابی 2024 کارکردن لە پڕۆژەکە دەستیپێکرد، بە تەواوبوونیشی لە یەک کاتژمێردا توانای بەرهەمهێنانی سێ هەزار و 400 مەتر سێجا ئاوی هەیە، زیاتر لە 480 هەزار کەس لێی سوودمەند دەبن و کێشەی کەمئاوی لە چەمچەماڵ چارەسەر دەکات.

 

لێدوانی فەرمی: ئاری ئەحمەد، بەڕێوەبەری گشتیی ئاو و ئاوڕۆی هەرێمی کوردستان بە ئاڤای ڕاگەیاند: کارکردن لە تەواوی بەشەکانی پرۆژەی ئاوی گۆپتەپە - چەمچەماڵ بەردوامە، ئەگەر کێشەی نەختینەیی بۆ دروست نەبێت، لە ماوەی 12 بۆ 14 مانگی داهاتوو کارەکانی پڕۆژەکە بەکۆتا دێت.

 

ئەوەی پێویستە بیزانیت: بەگوتەی بەڕێوەبەری گشتیی ئاو و ئاوەڕۆ، لە 12%ـی کارەکانی پڕۆژەی ئاوی گوپتەپە - چەمچەماڵ تەواو بووە.