یەكێک لە کافتریاکانی سلێمانی بەهۆی شەڕەکەی لالەزارەوە زیانێکی زۆری بەرکەوتووە

ئاڤا نیوز

یەكێک لە کافتریا جوان و سەنگینەکانی سلێمانی بەهۆی شەڕەکەی شەوی هەینی هۆتێل لالەزار زیانێکی زۆری بەرکەوتووە.

چیرۆکی سەرەکی: لە ئەنجامی ڕووبەڕووبوونەوەی هێزە ئەمنییەکانی یەکێتیی نیشتمانی کوردستان و چەکدارانی سەر بە لاهوور شێخ جەنگی لە هۆتێل لالەزاری سلێمانی، زیانێکی زۆر بەر چەندین ماڵ و شوێنی بازرگانی کەوتووە و بەجۆرێک تێکچوون کە پێویستییان بە چاکسازییەکی گەورە هەیە.

زانیاریی زیاتر: یەکێک لەو شوێنە بازرگانییانەی کە لە سلێمانی زیانێکی زۆری بەرکەوتووە، نالی کافێیە، کە شوێنێکی تەواو جوان و جیاوازە و کوڕ و کچانی شارەکە بۆ بەسەربردنی کاتێکی ئارام و دوور لە دووکەڵ و ژاوەژاو ڕوویان تێدەکرد. 

ئەوەی پێویستە بیزانیت: کافێکە بەناوی شاعێری گەورەی کورد "نالییەوە" ناونراوە و پەیکەرەکەی لەناوەڕاستی کافێکە دانراوە، هاوکات کتێبخانەیەکی گەورەی تێدابووە کە سەرچاوەیەکی باشی خوێندنەوە بووە بۆ میوانان. 

ئەمەش بزانە: کافێکە دەکەوێتە گردی سەرچناری سلێمانی و  ڕاستەوخۆ دەکەوێتە تەنیشت هۆتێل لالەزاری سلێمانی.