چوار پڕۆژە لە سنووری ئیدارەی ڕاپەڕین جێبەجێ دەکرێن

ئاڤا نیوز

چوار پرۆژە لە سنووری ئیدارەی ڕاپەڕێن جێبەجێ دەکرێن و سەرۆکی شارەوانی ڕانیە باس لە گرنگیی پڕۆژەکان دەکات.

بڵاوکراوەی فەرمی: بە گوێرەی نووسراوێک کە واژۆی د. ئومێد سەباح، سەرۆکی دیوانی ئەنجوومەنی وەزیرانی لەسەرە، لەسەر ڕاسپاردەی سەرۆکوەزیران مەسرور بارزانی، بڕی حەوت ملیار و سەد و بیست و سێ ملیۆن دینار بەشێوەی نەختینە و قۆناغ لەسەر بودجەی وەبەرهێنانی وەزارەتی شارەوانی، بۆ چوار پڕۆژە لە سنووری شارەوانی ڕانیە تەرخان دەکرێت.

لێدوانی فەرمی: ئەحمەد مەلا وسو، سەرۆکی شارەوانی ڕانیە بە ئاڤای ڕاگەیاند: تەرخانکردنی پارە بۆ ئەم پڕۆژانە جێگەی دڵخۆشییە و خزمەتێکی زۆر بە سنوورەکەمان دەکات، کار ئاسانی تەواو بۆ هاونیشتمانیان دەکات و ئاستەنگەکانی بەردەم هاتووچۆ نا‌هێڵیت، هیوادارین ڕێکارە ئیدارییەکانی پرۆژەکان بە زوویی تەواو بکرێن، هەر کاتێکیش پڕۆژەکە گەیشتەوە سەرۆکایەتیی شارەوانی ڕانیە، ڕاستەوخۆ کارەکانی تەندرینی بۆ ئەنجام دەدەین.

ژمارەکان وا دەڵێن: پڕۆژەکان لەم شوینانە جێبەجێ دەکرێن:

یەکەم: ڕێگاسازی شەقامی 60 مەتری قۆناغی دووەمی لە مزگەوتی مستەفا عەلی تاوەکو کۆتایی ناوچەی پیشەسازیی دوو.

دووەم: تێکەڵڕێژکردنی شەقامی 60 مەتری -قۆناغی سێیەم لە ناوچەی پیشەسازی دوو تا ڕێگەی سەرەکی ڕانیە – قەڵادزێ.

سێیەم: پرپژەی دروستکردنی شەقامی 40 مەتری گەڕەکی میدیا-نەخۆشخانەی 291 تەختی لە سنووری شارەوانی ڕانیە.

چوارەم: پڕۆژەی کۆنکرێتکردنی شەقامی گەرەکەکانی (هەوار-ڕزگاری یەک- دابان) لە ڕانیە.

زانیاریی زیاتر: پرۆژەکان کارئاسانی بۆ ناو شار و دەرەوەی شاری ڕانیە، ڕێگاکانی بتوێن و پشدەر، قەڵادزێ و ڕانیە، بۆ حاجیاوا و دەرەوەی شار دروستدەکات و کاریگەریی ئەرێنی لەسەر هاونیشمانیان دەبێت.