عێراق هەوڵی دیپۆرتکردنەوەی هەزاران داعشی بیانی دەدات

ئاڤا نیوز

بەپێی ڕاپۆرتێکی ئاژانسی فرانس پرێس، عێراق هەوڵی دیپۆرتکردنەوەی سەدان ئەندامی داعشی بیانی دەدات کە لە دوای شەڕی دژی ئەو ڕێکخراوەوە دەستبەسەرکراون.

چیرۆکی سەرەکی: بەپێی ڕاپۆرتەکەی فرانس پرێس، لە ماوەی شەڕی داعشدا، نزیکەی 50 هەزار کەس لە سەرتاسەری جیهانەوە ڕوویان لە سووریا و عێراق کردووە بۆ ئەوەی پەیوەندی بە ڕێکخراوەکەوە بکەن، دوای ئەوەی لە مانگی ئابی ساڵی 2014ـدا دەستی بەسەر تەواوی پارێزگای نەینەوادا گرت.

ڕاگەیێنراوی فەرمی: ڕاپۆرتەکە ئاشکرای کردووە، زۆربەی ئەو دەسگیرکراوانە خەڵکی تورکیا، ڕووسیا و ئازەربایجانن،  لەگەڵ ڕووخانی خەلافەتەکەی داعش لە ساڵی 2017 لە عێراق و سووریا دەستگیرکران.

ڕاپۆرتەکە ڕوونیشی کردووەتەوە، دوای ئەوەی پەیوەندییان بە داعشەوە کردووە،  زۆرێک لە وڵاتانی ئەوروپا ڕێگەیان نەدا هاوڵاتییەکانیان بگەڕێنەوە و تاوەکو ئێستاش ڕوون نییە کە تورکیا و ڕووسیا ڕێگە بە عێراق دەدەن هاوڵاتییەکانیان بگەڕێننەوە یان نا.

ئەوەی پێویستە بیزانیت: بەپێی زانیارییەکان، نزیکەی 685 بیانی و لەنێویاندا 60  منداڵ لە زیندانەکانی عێراقدا دەستبەسەرکراون.