ئەمریكا بە مەرج ڕێگە بە هێرشی ئیسرائیل بۆسەر ڕەفەح دەدات

ئاڤا نیوز

بڕیارە تا ڕۆژی دووشەمە، 31-3-2024، گفتوگۆکانی بەرپرسانی ئەمریکا و ئیسرائیل، سەبارەت بە ئۆپەراسیۆنی سەربازیی ئیسرائیل بۆ سەر ڕەفەح دەستپێبکەنەوە. 

وێنە گەورەکە: پێشتر بڕیار بوو شاندێکی ئیسرائیل سەردانی واشنتۆن بکات، بەڵام بنیامین نەتانیاهۆ، سەرۆكوەزیرانی ئیسرائیل وەک ناڕەزاییەک بەرامبەر بە ڤیتۆنەکردنی بڕیارێکی ئەنجوومەنی ئاسایشی نەتەوە یەکگرتووەکان لەلایەن ئەمریکاوە، سەردانەکەی هەڵوەشاندەوە. ئێستا نەتانیاهۆ ڕازی بووە بەوەی جارێکی دیکە شاندەکە بنێرێتەوە. بڕیارە تا ڕۆژی دووشەممە، گفتوگۆکان دەستپێبکەن. 

زانیاریی زیاتر: ئەمریکا لە پلانی ئیسرائیل بۆ هێرشکردنە سەر ڕەفەح نیگەرانە، داوای کردووە بە بێ گەرەنتیکردنی پارێزراویی خەڵکی سڤیلی شارەکە هێرشەکە نەكرێت. 

باکگراوند: بە هۆی شەڕی غەززەوە زیاتر لە 32 هەزار کەس کوژراون. کۆمەڵگەی نێودەوڵەتی و ڕێکخراوە مرۆییەکان هۆشداری دەدەن کە هێرشکردنە سەر ڕەفەح ژمارەی قوربانیانی سڤیل زیاتر دەکات.