بافڵ تاڵەبانی: دەنگێک دەبین بۆ ئاشتی و دیموکراسی و دادپەروەری

ئاڤا نیوز

 

بافڵ تاڵەبانی، سەرۆکی یەکێتیی نیشتمانیی کوردستان دوای ڕووداوەکانی لالەزار دەرکەوت و ڕایگەیاند، دەنگێک دەبن بۆ ئاشتی و دیموکراسی و دادپەروەری.

 

چیرۆکی سەرەکی: ماوەی دوو ڕۆژە کارەکانی کۆنگرەی هاوپەیمانیی حیزبە سۆسیال دیموکراتەکانی وڵاتانی عەرەبی لە شاری سلێمانی بەڕێوەدەچێت، بافل تاڵەبانی لە دووەم ڕۆژی کۆنگرەکە گوتارێکی پێشکەش کرد.

 

لێدوانی فەرمی: بافڵ جەلال تاڵەبانی، سەرۆکی یەکێتیی نیشتمانیی کوردستان گوتی، لە شاری سلێمانی بۆچوونەکان ئازادانە گوزارشتیان لێدەکرێت و هەمیشە دیالۆگ بەسەر بێدەنگیدا سەردەکەوێت. کۆمەڵگاکانی ئێمە بەهێزتر دەبێت کاتێک ئازاد بێت و هەمووان جێگەیان ببێتەوە و دادپەروەر بێت، دیموکراسی بە تەنیا بەدینایەت بەڵکو دەبێت پەیوەندی لەگەڵ وڵاتان و گەلان دروست بکەین.

 

لەلایەکی دیکە: لە بەشێکی دیکەی قسەکانیدا بافڵ تاڵەبانی ئاماژەی بە ڕووداوەکانی ڕۆژهەڵاتی ناوەڕاست کرد و گوتی، "ڕۆژهەڵاتی ناوەڕاست لەبەردەم چەندین ئالنگارییە، ئەو ئالنگارییانە دانبەخۆداگرتنی هاونیشتمانیانی ئێمە و وڵاتی ئێمە تاقی دەکاتەوە".

 

بەشێکی دیکەی قسەکانی بافڵ تاڵەبانی: 

-  هێشتا چەندین وڵات و دەیان ملیۆن کەس بەدەست جەنگ و ململانێکان دەناڵێنن، جێی شەرمەزاری زۆرە لە ساڵی 2025 باسی ئەو ئالنگارییانە دەکەم.

- تادێت دەسەلاتی تاکڕەوی و نایەکسانی و نادادپەروەری بنەماکانی دیموکراسی لاواز دەکات و ئازاری هاونیشتمانیان دەدات لە غەززە تا سووریا، لە یەمەنەوە تا گۆشەکانی دیکەی جیهان، ئەمانە خەم و داخی گرانن لەسەر دڵمان.

-  وڵاتانی ڕۆژئاوا و یەکێتیی ئەوروپا چۆن ڕێگە بەخۆیان دەدەن و جورئەتی ئەوە دەکەن باسی وانەی دیموکراسی و مافی مرۆڤ بۆ ئێمە بکەن کاتێک  ڕێگە دەدەن ئەو ستەم و تۆقاندنە لە غەززە بکرێت.

-  ئێمە لە کوردستان دەزانین باجی شەڕ چییە، بەڵام دەزانین خەڵاتی ئاشتی چییە، خەڵکی ئێمە کۆڵنادات بۆ دروست کردنی کۆمەڵگایەکی دیموکراسی.

- دووپاتی دەکەمەوە ئێمە دەنگێک دەبین بۆ ئاشتی و دیموکراسی و دادپەروەری.