هەڵەبجە وەک یەکەم پارێزگای کوردستان دەبێتە خاوەنی کارەبای24 کاتژمێری

ئاڤا نیوز

مەسرور بارزانی، سەرۆکوەزیرانی هەرێمی کوردستان ڕایگەیاند: بە خۆشحاڵییەوە ڕایدەگەیەنم کە هەڵەبجەی خۆشەویست وەکو یەکەم پارێزگا بە تەواوی کارەباکەی بووەتە 24 کاتژمێری.

وێنە گەورەکە: پڕۆژەی ڕووناکی یەکێکە لە دەستکەوتە گرنگەکانی کابینەی نۆیەمی هەرێمی کوردستان، کە لەسەرەتای ئەمساڵەوە دەستکراوە بە جێبەجێکردنی و ئامانج لێی دابینکردنی کارەبای بەردەوامە بۆ سەرتاسەری کوردستان و بڕیارە تاوەکو کۆتایی ئەمساڵ کارەکانی ئەم پڕۆژەیە بگاتە قۆناغی کۆتایی. 

ڕاگەیێنراوی فەرمی: مەسرور بارزانی، سەرۆکوەزیرانی کوردستان پەیامێکی لەبارەی کارەبای پڕۆژەی ڕووناکییەوە بڵاوکردەوە و ڕایگەیاند: بەخۆشحاڵییەوە ڕایدەگەیەنم کە هەڵەبجەی خۆشەویست یەکەم پارێزگایە بەتەواوی کارەباکەی بووەتە 24 کاتژمێری.

زانیاریی زیاتر: نزیکەی چوار ملیۆن هاووڵاتی لە سەرتاسەری هەرێمی کوردستان و 115 هەزار شوێنی بازرگانی ئێستا کارەبای 24 کاتژمێریی پڕۆژەی ڕووناکییان هەیە. 

ئەوەی پێویستە بیزانیت: پارێزگای هەڵەبجە لەسەر ئاستی هەموو کوردستان و عێراق بووە یەکەم پارێزگا کە ببێتە خاوەن کارەبای 24 کاتژمێری.

ئێستا 139 هەزار هاونیشتمانی لە پارێزگای هەڵەبجە کارەبای بەردەوامیان هەیە، ئەو ژمارەیە دەکاتە 38 هەزار هاوبەش لەو پارێزگایە. 

بەهۆی دابینکردنی کارەبای بەردەم لەو پارێزگایە ئێستا 65 مۆلیدەی ئەهلی کوژێنراونەتەوە، ئەمەش دەبێتە هۆی کەمکردنەوەی 15 هەزار تۆن دوانۆکسیدی کاربۆن لە هەوادا.