شاكیرا ئاهەنگێكی لەناكاو لە نیویۆرک ساز دەكات

ئاڤانیوز 

دوای ئەوەی بە شێوەیەکی لەناکاو ئاشکرایکرد ئاهەنگێکی بێ بەرامبەر لە گۆڕەپانە بەناوبانگەکەی( تایم سکوێر) لە نیویۆرک سازدەکات، شاکیرا بووە جێی سەرنج و جۆش و خرۆشی هەوادارانی.

چیرۆکی سەرەکی: تەنیا چەند کاتژمێرێک بەر لە دەستپێکردنی ئاهەنگەکە هەواڵەکەی بڵاوکردەوە، بەڵام کاردانەوەیەکی گەورەی لە ناو هەوادارەکانی لێکەوتەوە و نزیکەی 40 هەزار کەس ئامادەی ئاهەنگە لە ناکاوەکەی بوون بۆ بینینی لەسەر ستەیجی TSX.

زیاتر بزانە: ئاهەنگەکە بە بۆنەی دەرچوونی ئەلبومە نوێیەکەی بوو بە ناوی (Las Mujeres Ya No Lloran)، کە دوای حەوت ساڵ یەکەم ئەلبومی بڵاوکراوەی ئەم خانمە هونەرمەندەیە.

ئەمەش بزانە: ئەلبومەکە لە سەرەتای بڵاوبوونەوەیەوە سەرکەوتنێکی گەورەی بە دەستهێناوە، هەر لە 24 کاتژمێری سەرەتادا زۆرترین دەنگدانەوەی ساڵی بەدوای خۆیدا هێنا.