درۆنێک بە ئاسمانی کەلاردا دەسوڕێتەوە و ترس و دڵەڕاوکێی دروست کردووە

ئاڤا نیوز

درۆنێک بە ئاسمانی کەلاردا دەسوڕێتەوە و ترس و دڵەڕاوکێی دروست کردووە، شارەوانی قەزاکەش دڵنیایی دەدات لەوەی سەربازی نییە و هیچ مەترسییەکی نییە.

چیرۆکی سەرەکی: لە دوانیوەڕۆی ئەمڕۆوە درۆنێک بە ئاسمانی قەزای كەلاردا دەسوڕێتەوە ترس و نیگەرانیی لای دانیشتووانی شارەكە دروست كردووە.

لێدوانی فەرمی: ئەکرەم ساڵح، سەرۆکی شارەوانی کەلار بە ئاڤا  نیوزی گوت:  “پێویست ناکات خەڵک بترسن، درۆنەکە تایبەتە بە ڕووپێوی و سەربازی نییە، مۆڵەتی دەزگا ئەمنییەکانی بۆ وەرگیراوە و هیچ مەترسییەكی نییە".