شاخەوان عەبدوڵڵا: بەغدا چێژ لە ئازاردانی خەڵكی کوردستان دەبینێت

ئاڤا نیوز

جێگری سەرۆکی پەرلەمانی عێراق ئاماژە بەوەدەدات، بەغدا دەیتوانی مانگێک پێش ئێستا مووچەی مانگی شەش خەرج بکات، جەختیش لەوە دەکاتەوە کە لیژنەکانی نێوان هەولێر و بەغدا لە گفتوگۆکانیان بەردەوام دەبن بۆ گەیشتن بە ڕێککەوتن لەبارەی داهاتی نانەوتی.

 

وێنە گەورەکە: بڕیارە بۆ ڕێککەوتنی کۆتایی لەسەر داهاتی ناوخۆ و هەناردەکردنەوەی نەوت، ئەم هەفتەیە دوو شاند لە هەولێرەوە بچنە بەغدا و لەگەڵ هاوتاکانیان گفتوگۆ بکەن، چونکە ناردنی مووچەی مانگی حەوت لەسەر هەناردەکردنەوەی نەوت و ڕێککەوتن لەسەر داهاتە نانەوتییەکان ماوە.

 

لێدوانی فەرمی: د. شاخەوان عەبدوڵڵا، جێگری سەرۆکی پەرلەمانی عێراق بە ئاڤای گوت، "بەغدا چێژ لە ئازاردانی خەڵکی هەرێمی کوردستان دەبینێت، ئەو مووچەی ئێستا دەینێرن دەیانتوانی مانگێک پێش ئێستا بینێرن، بەڵام بە ئەنقەست دواخرا."

 

زانیاریی زیاتر: بەگوتەی جێگری سەرۆکی پەرلەمانی عێراق، لیژنەکانی نێوان هەولێر و بەغدا لە گفتوگۆ بەردەوام دەبن بۆ ڕێککەوتن لەسەر داهاتی نانەوتی، بەو ئامانجەی مووچەی مانگی حەوت و مانگەکانی دیکە گەرەنتی بکرێت.