كامێراكانی تیژڕۆیی ئیدارەی سۆران بەفەرمی دەكەونە كار

ئاڤا نیوز

لەدوای كاتژمێر 12:00ـی شەوەوە، ژمارەیەك كامێرای تۆماركردنی تیژڕۆیی لە ئیدارەی سۆران بەفەرمی دەكەونە كار و هاتووچۆی سۆرانیش شۆفێران ئاگادار دەكاتەوە.

چیرۆكی سەرەكی: پێشتر ئاڤا میدیا هاووڵاتیانی سنووری ئیدارەی سۆرانی ئاگاداركردەوە لەوەی ژمارەیەك كامێرای تیژڕۆیی لە سنووری ئیدارەی سۆران لە ڕۆژی 24ـی ئابەوە بەشێوەی ئەزموونی (تێست) دەكەونە كار و لە ڕۆژی 1ـی ئەیلوولی 2025، بەفەرمی سەرپێچییەكانی تیژڕۆیی تۆمار دەكەن.
 
ڕاگەیێنراوی فەرمی: ئاڤا ئاگادارینامەیەكی بەڕێوەبەرایەتیی هاتووچۆی سۆران بڵاودەكاتەوە كە سەعات 12ـی ئەمشەو، كامێراكانی چاودێری تیژڕۆیی بەفەرمی دەكەونە كار، هاوكات شوێنی دانانی كامێراكانیش بڵاودەكاتەوە كە بەمشێوەیە:

- جووتسایدی خەلیفان - سپیلك (كۆتا ئاستی ڕێپێدراوی لێخوڕین: 100 كیلۆمەتر لە كاتژمێرێكدا) پۆینت تو پۆینت.

- جووتسایدی خەلیفان - ناوشار (كۆتا ئاستی ڕێپێدراوی لێخوڕین: 60 كیلۆمەتر لە كاتژمێرێكدا).
- جووتسایدی گشتی سۆران، نەخۆشخانەی ئاشتی (كۆتا ئاستی ڕێپێدراوی لێخوڕین: 80 كیلۆمەتر لە كاتژمێرێكدا).

- ڕێگەی سۆران - مێرگەسۆر، گوندی ناومێرگان (كۆتا ئاستی ڕێپێدراوی لێخوڕین: 80 كیلۆمەتر لە كاتژمێرێكدا).

- ڕێگەی ڕێزان- بلێ (كۆتا ئاستی ڕێپێدراوی لێخوڕین: 80 كیلۆمەتر لە كاتژمێرێكدا).

- ڕێگەی كاولۆكان- جوندیان (كۆتا ئاستی ڕێپێدراوی لێخوڕین: 80 كیلۆمەتر لە كاتژمێرێكدا).

- ڕێگەی سۆران- گوندی خەلەكان، نزیك پاركی گولان (كۆتا ئاستی ڕێپێدراوی لێخوڕین: 80 كیلۆمەتر لە كاتژمێرێكدا).

- جووتسایدی زانكۆی سۆران - باڵەخانەی ئیدارەی سەربەخۆ (دێلزیان) (كۆتا ئاستی ڕێپێدراوی لێخوڕین: 60 كیلۆمەتر لە كاتژمێرێكدا).

- ترافیك لایتی سۆران- ڕواندز (حەریق) (كۆتا ئاستی ڕێپێدراوی لێخوڕین: 60 كیلۆمەتر لە كاتژمێرێكدا).

- گەڕەكی كانی (ئازادی) (كۆتا ئاستی ڕێپێدراوی لێخوڕین: 60 كیلۆمەتر لە كاتژمێرێكدا).