لە سلێمانی هەڵمەتی دەستگیرکردنی لایەنگرانی لاهوور شێخ جەنگی بەردەوامە

ئاڤا نیوز

لە سلێمانی هەڵمەتی دەستگیرکردنی لایەنگرانی لاهوور شێخ جەنگی لەلایەن هێزەکانی یەکێتییەوە بەردەوامە. تۆڕی هاوپەیمانی 19 لەوبارەیەوە دەڵێت، "ئاسایشی سلێمانی لەسەر ئەم بابەتە ڕوونکردنەوەمان پێنادات".

چیرۆکی سەرەکی: ڕۆژی 31-8-2025، هێزەکانی ئاسایشی ناوخۆ لە سلێمانی، هەڵمەتی دەستگیرکردنی خەڵکیان لە چین و توێژە جیاوازەکان دەستپێکرد، هۆکاری دەستگیرکردنی ئەو خەڵکەش تاوەکو ئێستا نازانرێت.

بڵاوکراوەی فەرمی: تۆڕی هاوپەیمانی 19 ڕایگەیاند، "ناوی نۆ کەسمان بۆ دەستەی سەربەخۆی مافی مرۆڤ و ئۆفیسی مافەکانی مرۆڤ و نێردەی نەتەوە یەکگرتووەکان بۆ هاوکاری عێراق "یونامی" ناردووە، تا سۆراغی دەستگیرکراوەکان بکەن"

لە بڵاوکراوەکەدا هاتووە، زانیاری لەبارەی کەیسی دەستگیرکراوانی شەوی یەکشەممە و کەیسی دەستگیرکراوانی شەڕەکەی گردی سەرچنار لە سلێمانی نادرێت، هەروەها ئاسایشی سلێمانی لەسەر ئەم هەڵمەتە ڕوونکردنەوەمان پێنادات.

ئاماژە بەوەشکراوە، بەگوێرەی ڕاگەیێنراوی بەرەی گەل ماوەی 10 ڕۆژە هێزەکانی یەکێتی لە دەستگیرکردنی لایەنگرانی بەرەی گەل بەردەوامن.

ئەمەش بزانە: تۆڕێ 19 کە چەند ڕێکخراوێکی مافی مرۆڤ دایانمەزراندووە، بەڵام سەنتەری میترۆ سەرپەرەشتی دەکات.