وەزارەتی خوێندنی باڵا پلاتفۆڕمە خزمەتگوزارییەکانی لە ماڵپەڕی وەزارەت دەخاتەڕوو

ئاڤا نیوز

لەمەودوا فێرخوازان دەتوانن لە ڕێگەی ماڵپەڕی وەزارەتی خوێندنی باڵا دەستییان بە سەرجەم پلاتفۆڕمە خزمەتگوزارییە تایبەتەکانی وەزارەتەکەیان بگات و مامەڵەکانیان بەشێوەی ئۆنلاین جێبەجێ بکەن.

چیرۆکی سەرەکی: وەزارەتى خوێندنى باڵا و توێژینەوەى زانستىی حکومەتى هەرێمى کوردستان، سەرجەم پلاتفۆرمەکانى پەیوەست بە مامۆستایان و قوتابییان و هاونیشتمانیان دەخاتە سەر ماڵپەڕى فەرمى وەزارەتەکەی.

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا بە ئاڤا میدیای ڕاگەیاند: بەمەبەستی کارئاسانی بۆ مامۆستا و قوتابییان، مامەڵە تایبەتەکانی وەزارەتەکەمان خستووەتە سەر ماڵپەڕی وەزارەت، کە دەتوانرێت بەشێوەی ئۆنلاین سوودیان لێوەربگیرێت. 

زانیاریی زیاتر: پلاتفۆڕمە خزمەتگوزارییەکانی وەزارەتەکە لە چەند بەشێکی جیاواز پێكهاتوون؛-

-    ئەرشیف
-    زانکۆلاین
-    یەکسانکردنی بڕوانامەکان
-    ڕیزبەندی نیشتمانی زانکۆکان
-    پلاتفۆرمی گواستنەوە و دابەزینی قوتابییان
-    فۆرمی سکۆلەرشیپ
-    پرۆژەی ئەپڕایس
-    سەنتەری زمان

ئەمەش بزانە: لێرەوە دەتوانیت سوودمەندبیت لە خزمەتگوزارییەکانی خوێندنی باڵا.