کوردستان دەرفەتی وەبەرهێنان بە کۆمپانیاکانی ئیمارات دەدات

ئاڤا نیوز

لە دوبەی کۆنفرانسێکی تایبەت بە وەبەرهێنان لە هەرێمی کوردستان بەڕێوە دەچێت و 21 کۆمپانیای ئەو وڵاتە تێیدا بەشدار دەبن.
 

وینە گەورەکە: تا دێت وەبەرهێنان لە هەرێمی کوردستان بەرەوپێش دەچێت و کۆمپانیا گەورەکانی جیهان و وڵاتانی ناوچەکەش ڕووی تێدەکەن، لەم چوارچێوەیەشدا لە هەفتەی داهاتوو (10ـی ئەیلوول)، کۆنفرانسێکی تایبەت لەسەر وەبەرهێنان لە هەرێمی کوردستان لە شاری دوبەی-ئیمارات بە پاڵپشتیی ڕێکخراوی دراوی نێودەوڵەتیی بەڕێوە دەچیت. 

لێدوانی فەرمی: بەرگەشت ئاکرەیی، وتەبێژی دەستەی وەبەرهێنان بە ئاڤای وت: زیاتر لە 21 کۆمپانیای ئیماراتی لە سێکتەرەکانی کشتوکاڵ، پیشەسازی و وزەی نوێبووەوە و چەند سێکتەرێکی دیکە بەشداریی دەکەن، سیمیناری تایبەت بە وەبەرهێنان لە کوردستان بەڕێوە دەچێت. 

زانیاریی زیاتر: چالاکییەکە لە چوارچێوەی ئەم گرێبەستەیە لە نێوان دەستەی وەبەرهێنانی کوردستان و ڕێکخراوی دراوی نێودەوڵەتی بە سەرپەرشتیی سەرۆکوەزیران مەسرور بارزانی واژۆ کرا. 

بۆچی گرنگە: کۆنفرانسەکە بۆ ئاشناکردنی وەبەرهێنەر و وەبەرهێنانی ئیماراتە بە دەرفەتەکانی وەبەرهێنان لە ناوچە جیاوازەکانی کوردستان، هەروەها کۆمەڵێک دیدار و کۆبوونەوە لەگەڵ کۆمپانیا ڕێک دەخرێت.

ئەمەش بزانە: هەرێمی کوردستان دەیەوێت وەبەرهێنەرانی ئیمارات ئاشنای ژینگەی وەبەرهێنان و دەرفەتەکانی بکات لە کوردستان، تاوەکو پڕۆژەکانیان بێننە ناوچەکە.