شاخەوان عەبدوڵڵا: کێشەی قوتابیانی زانکۆی کەرکووک چارەسەر کراوە

ئاڤا نیوز

جێگری سەرۆکی ئەنجوومەنی نوێنەرانی عێراق ڕایگەیاند، قوتابیانی زانکۆی کەرکووک دەتوانن بە زمانی کوردی وەڵامی تاقیکردنەوەکانیان بدەنەوە و کێشەیان بۆ دروست ناکرێت.

لێدوانی فەرمی: د. شاخەوان عەبدوڵڵا، جێگری سەرۆکی ئەنجوومەنی نوێنەرانی عێراق بە ئاڤا میدیای ڕاگەیاند: من لەگەڵ سەرۆکی زانکۆی کەرکووک و وەزیری خوێندنی باڵای عێراق قسەم کرد، ئەوەبوو وەزیر فەرمانی بە سەرۆکی زانکۆ کرد کە پرسیارەکان و وەڵامدانەوەی پرسیاری تاقیکردنەوەکانیش بۆ قوتابیان بکرێت بە کوردی، ئەمەشی کرد بە نووسراو.

- شەوێک پێش دەستپێکردنی تاقیکردنەوەکان ڕەزامەندییەکەمان وەرگرت، بۆیە لە یەکەم تاقیکردنەوەدا وەرگێڕانی پرسیارەکان و گەیشتنی بە دەستی قوتابیان تۆزێک دواکەوت.

- تا سەرجەم تاقیکردنەوەکان تەواو دەبێت، قوتابی دەتوانێت وەڵامی پرسیارەکان بە کوردی بداتەوە، ئەگەر هەر قوتابیەکیش لە تاقیکردنەوە بەهۆی وەڵامدانەوەی بە زمانی کوردی دەرنەچێت، ئەوا ئەمە لە ئەستۆی من دەبێت.