لە هەولێر پردێکی جیاواز بۆ سەلامەتی هاتووچۆی هاووڵاتیان دروست دەکرێت

ئاڤا نیوز

پردێکی پەڕینەوەی پیادەی مۆدێرن لەشاری هەولێر دروست دەکرێت، بە دیزانێکی جیاواز و ڕەچاوی خاوەن پێداویستی تایبەتی بۆ کراوە.

بۆچی گرنگە: ئەم پردە دەبێتە یەکەمین پردی پەڕینەوە لەسەر ئاستی هەرێمی کوردستان و هەموو عێراق لە پێناو سەلامەتی هاتووچۆی هاووڵاتیان و قوتابیان.

لێدوانی فەرمی: ئومێد خۆشناو، پارێزگاری هەولێر ڕایگەیاند، ئەو پردە یەکەمین پردە لەسەر ئاستی هەرێمی کوردستان و عێراق كه‌ بەشێوە و دیزاینێکی جیاواز دروستکراوە و تێیدا ڕەچاوی پەڕینەوەی کەسانی خاوه‌ن پێداویستی تایبه‌ت كراوه‌، دەکەوێتە شەقامی سەرەکی هەولێر – کەرکووک بەرامبەر بەشە ناوخۆیی شەهید شەوکەت شێخ یەزدین، یەكێكە لە شەقامە گرنگەكانی شاری هەولێر و هاتووچۆیەكی زۆری شوفێرانی بەسەرەوەیە.

- پردەکە لەسەر داهاتی بەڕێوەبەرایەتیی هاوتووچۆی هەولێر بە گوژمەی زیاتر لە 384 ملیۆن دینار دروست دەکرێت.