هەوڵێکی هەڵاتنی کەسوکاری چەکدارانی داعش لە کەمپی هۆل شکست دەهێنێت

ئاڤا نیوز

 

ڕوانگەی سووری بۆ مافەکانی مرۆڤ ئاشکرای دەکات، 60 لە کەسوکاری چەکدارانی داعش کە ئافرەت و منداڵیشیان تێدابووە هەوڵی هەڵاتنیان لە کەمپی هۆل داوە لە ڕۆژئاوای کوردستان، بەڵام هێزە ئەمنییەکان هەوڵەکەی پووچەڵ کردووەتەوە و  سەرجەمیان دەستگیر کراون.

 

وێنە گەورەکە: کەمپی هۆل، گەورەترین کەمپی ژن و منداڵی خێزانەکانی داعشە لە ڕۆژئاوای کوردستان، بەگوێرەی نوێترین ئاماری ئیدارەی ڕۆژئاوای کوردستان، ئێستا زیاتر لە 34 هەزار کەسی تێدا دەژیت، تائێستاش 20 هەزار عێراقی کەمپەکەیان جێهێشتووە و دەورووبەری شەش هەزار هاووڵاتی ئەو وڵاتەش لە کەمپەکەدا ماون.

 

ڕاگەیێنراوی فەرمی: ڕوانگەکە ڕایگەیاند، هێزەکانی ئاسایشی ناوخۆی ڕۆژئاوای کوردستان ڕۆژی سێشەممە هەوڵی هەڵاتنی نزیکەی 60 کەسیان پووچەڵ کردەوە، لەنێویاندا ژن و منداڵ هەبوون، گرووپەکە خۆیان ئامادە دەکرد بۆ ئەوەی بە دوو ئۆتۆمبێل بڕۆن پێش ئەوەی دەستگیر بکرێن و ڕێگریی لە هەڵاتنیان بگیرێت.

 

زانیاریی زیاتر: بەگوێرەی ڕوانگەی سووریا، شانەکانی داعش بە شێوازی جۆراوجۆر پارە بۆ خەڵکی کەمپەکە بە تایبەتی "ژنان" دابین دەکەن، ئەمەش بۆ ئاسانکاری کردن بۆ هەڵاتنیان.