ئەنجوومەنی وەزیران تاوتوێی ڕێڕەوی گفتوگۆکانی نێوان هەولێر و بەغدا دەکات

ئاڤا نیوز

ئەنجوومەنی وەزیرانی هەرێمی کوردستان کۆبوونەوەی ئاسایی خۆی دەکات، کۆبوونەوەی نێوان شاندەکانی هەولێر و بەغدا و جێبەجێکردنی سیستمی نوێی مۆڵەتی شوفێری دەخرێتە ڕوو.

وێنە گەورەکە: لەم هەفتەیە جارێکی دیکە شاندەکانی نێوان هەولێر و بە‌غدا کۆدەبنەوە، حکومەتی هەرێمی کوردستان ڕژدە لەسەر گەیشتن بە ڕێککەوتن و چارەسەری کێشەکان، سەبارەت بە ناردنی داهاتی نەوتی و نانەوتی بۆ بەغدا.

ڕاگەیێنراوی فەرمی: بەگوێرەی ڕاگەیێنراوی حکومەتی هەرێمی کوردستان، ئەنجوومەنی وەزیران، بە سەرپەرشتیی سەرۆکوەزیران مەسرور بارزانی و بە ئامادەبوونی قوباد تاڵەبانی، جێگری سەرۆكی حكومەت، كۆدەبێتەوە و لە بڕگەی یەکەم ڕێڕەوی گفتوگۆكانی نێوان حكومەتی هەرێمی كوردستان و حكومەتی فیدراڵی لەبەر ڕۆشنایی كۆبوونەوەكانی ئەم دواییەی نێوان شاندی دانوستانكار و لیژنە هاوبەشەكانی هەردوولا دەربارەی دۆسیەی داهاتە نانەوتییەكان و دۆسیەی هەناردەكردنەوەی نەوتی هەرێمی كوردستان دەخرێتە ڕوو.

زانیاریی زیاتر: لە بڕگەی دووەم پێشنیازی وەزارەتی ناوخۆ سەبارەت بە پێداویستییەكانی جێبەجێكردنی سیستەمی نوێی دەرهێنانی مۆڵەتی شوفێری لە بەڕێوەبەرایەتییەكانی هاتووچۆ لە هەرێمی كوردستان گفتوگۆ دەكرێت.