پووتین بۆ کیم جۆنگ ئون: هەر هێرشیک بۆ سەر کۆریای باکوور هێرشکردنە بۆ سەر ڕووسیا

ئاڤا نیوز

هەردوو سەرۆکی ڕووسیا و کۆریای باکوور لە پەکینی پایتەختی چین کۆبوونەوە و ڤلادیمێر پووتین سوپاسی کیم جۆنگ ئونی کرد بۆ هاوکاریکردنی سوپای وڵاتەکەی لە ڕووبەڕووبوونەوەی ئۆکراینا.

چیرۆکی سەرەکی: بە پێی ڕێککەوتنامەی ستراتیژی سەربازی نێوان هەریەک لە مۆسکۆ و پیۆنگیانگ، هەردوو دەوڵەت پابەندن بە بەرگریکردن لە یەکتر لە کاتی هێرشی دەرەکی، بۆ ئەو مەبەستەش کۆریای باکوور ژمارەی ئەو سەربازانەی ڕەوانەی ڕووسیای کردبوون و هاوکاری سوپای ئەو وڵاتە بوون لە کاتی ڕووبەڕووبوونەوەی ئۆکراینا لە هەرێمی کورسک 10 هەزار زیاتر بوون.

لێدوانی فەرمی: ڤلادیمیر پووتین، سەرۆکی ڕووسیا لە کاتی چاوپێکەوتن لەگەڵ کیم جۆنگ ئون، سەرۆکی کۆریای باکوور گوتی: دەمەوێت سوپاس و پێزانینم بە خانەوادەی سەربازان و خەڵکی کۆریا بگەیەنیت، هاوکاری و هاوبەشی ئێوە لە ڕووبەڕووبوونەوەی نازیەتی نوێ لە ئۆکراینا، کارێکە هەرگیز ڕووسیا لە بیری ناکات، لە ئەگەری هەر هێرشێک بۆ سەر وڵاتەکەتان و هەرکات کۆریای باکوور پێویستی بێت ئەوا ڕووسیا بە هەموو هێز و توانایەوە هاوکاری دەکات و ئەم کارە بە ئەرک دەزانین.

ئەوەی پێویستە بیزانیت: کۆبوونەوەی ڤلادیمیر پووتن، سەرۆکی ڕووسیا و کیم جۆنگ ئوون،سەرۆکی کۆریای باکوور لە پەراوێزی یادی 80 ساڵەی کۆتایهاتنی جەنگی جیهانی دووەم بوو کە لە پەکین بەڕیوەچوو.