دووەم کەشتی یارمەتییە مرۆییەکان بەرەو غەززە بەڕێدەکەوێت

ئاڤا نیوز

کەشتییەکی بارهەڵگر بە 332 تۆن ماددەی خۆراکی، لە بەندەری لارناکا لە قوبرسەوە بەرەو غەززە بەڕێکەوتووە. ئەمە دووەم کەشتییە لە ماوەی مانگێکدا هاوکاریی مرۆیی بۆ غەززە ببات. 

وێنە گەورەکە: کەشتییەکە لەلایەن ڕێکخراوی خێرخوازیی (چێشتخانەی ناوەندیی جیهانی WCK)ـەوە ڕەوانە کراوە و ئامانجی کەمکردنەوەی برسێتیی دانیشتووانی غەززەیە.  

زانیاریی زیاتر: ماوەی 17 ساڵە ئیسرائیل گەمارۆیەکی تووندی لەسەر غەززە داناوە؛ هێرشی ئیسرائیل بۆ سەر غەززە ئەم گەمارۆیەی تووندتر کردووە و قەیرانی مرۆیی ئەو کەرتەی قووڵتر کردووەتەوە.   

ئەوەی پێویستە بیزانیت: ڕێکخراوی چێشتخانەی ناوەندیی جیهانی بە هاوکاریی لەگەڵ ڕێکخراوی خێرخوازیی (باڵە کراوەکان)ـی ئیسپانی، لە ماوەی شەڕی غەززەدا چالاکی مرۆییان هەبووە. هەر یەکە لە ئیمارات و قوبرس پاڵپشتیی دارایی ئەم ڕێکخراوە خێرخوازییانە دەکەن.