سەرۆک بارزانی بەبۆنەی مەولوود: نزا دەکەم ببێتە کۆتاییهاتنی شەڕ و ئازاری میللەتان

ئاڤا نیوز

سەرۆك بارزانی هیوا دەخوازێت، جەژنی مەولوود ببێتە هۆی كۆتاییهاتنی شەڕ و مەینەتی و ئازاری میللەتان.

چیرۆكی سەرەكی: سبەی پێنجشەممە ڕێككەوتی 4ـی ئەیلوولی 2025، هاوكاتە لەگەڵ 12ـی ڕەبیعی یەكەمی ساڵی (1447)ـی كۆچی، ساڵیادی لەدایكبوونی پێغەمبەری ئیسلام، محەممەدە (دروودی خوای لەسەربێت).

پەیامی فەرمی: سەرۆك بارزانی بۆ یادی لەدایكبوونی پێغەمبەری ئیسلام (جەژنی مەولوود) پەیامێكی بڵاوكردەوە و، پیرۆزبایی ئەو یادە مەزنە لە سەرجەم موسوڵمانانی كوردستان و عێراق و هەموو جیهان دەكات.

سەرۆكی بارزانی دەڵێت، "لە خودای گەورە دەپاڕێینەوە لەم بۆنە پیرۆزەدا دەرگای میهرەبانی و  بەرەکەتی خۆی بۆ گەلی کوردستان و سەرجەم گەلانی ناوچەکە بکاتەوە و ئەو بۆنە پیرۆزە ببێتە هۆی كۆتایهاتنی شەڕ و مەینەتی و ئازاری میللەتان و ئاشتی و دادپەروەری و پێكەوەژیان باڵ بەسەر ناوچەكەمان و هەموو جیهاندا بكێشێت."