ئاسایشی هەولێر سەبارەت بە شەڕەكەی گەڕەكی تەیراوە ڕوونكردنەوە دەدات

ئاڤا نیوز

ئاسایشی هەولێر ئاشكرای دەكات كە بە فەرمانی دادوەر، سێ تۆمەتبار لەسەر شەڕەكەی ئەمڕۆی گەڕەكی تەیراوە دەستگیر كراون.

چیرۆكی سەرەكی: ئێوارەی ئەمڕۆ لە گەڕەكی تەیراوەی شاری هەولێر، شەڕ لەنێوان چەند گەنجێكی دوو خانەوادەدا ڕووی دا و  تەقە كرا.

ڕاگەیێنراوی فەرمی: ئاسایشی هەولێر بڵاوی كردەوە: دوای ئەوەی ئێوارەی ئەمڕۆ، لە گەڕەکی تەیراوەی شاری هەولێر، دەنگی تەقە بیسترا، دەستبەجێ تیمەکانمان گەیشتنە شوێنی ڕووداوەکە و دوای بەدواداچوون و لێکۆڵینەوەی تیمەکانمان، دەرکەوت ئەو تەقانەی کە بیستراون بەهۆی کێشەیەکی کۆمەڵایەتیی نێوان دوو خانەوادەوە بووە.

زانیاریی زیاتر: بە فەرمانی دادوەری لێکۆڵینەوەی ئاسایشی هەولێر سێ تۆمەتباری ئەو ڕووداوە دەستگیر کران و بەدواداچوونیش بەردەوامە بۆ دەستگیکردنی تەواوی ئەو کەس و تۆمەتبارانەی هۆکار و بەشدار بوون لەو ڕووداوە.