ئاڤا میدیا سپۆنسەری میدیایی گەورەترین مەولوودی هەولێر دەكات

ئاڤا نیوز

لەنێو بازاڕی شاری هەولێر، گەورەترین چالاكیی هونەری و مەولوود بە بۆنەی یادی لەدایكبوونی محەممەد، پێغەمبەری ئیسلام (د.خ) دەكرێت و ئاڤا میدیا، سپۆنسەری میدیایی دەكات.

وێنە گەورەکە: 12ـی ڕەبیع ئەلئەوەل لە ساڵنامەی کۆچی یادی لە دایکبوونی پێغەمبەر محەممەدە (د.خ)، ساڵانە ئەو ڕۆژە لە وڵاتانی ئیسلامی دەکرێتە پشوو، موسڵمانانیش لە سەرتاسەری جیهان بە شێوازی جیا و بە چوونە مزگەوت و مەولوود خوێندنەوە و بەخشینەوەی خێر و شیرینی یادی ئەو ڕۆژە دەکەنەوە.

ئەوەی پێشبینی دەکرێت: چاوەڕوان دەكرێ دەیان هەزار كەس ئامادەی بینینی مەولوودە گەورەكەی ئاڤا میدیا ببن، گرووپێكی میوزیكی بەشدارن و لەلایەن هەریەك هەردوو سروودبێژی ناسراوی كورد، شەهرام مەنسووری و ئەیاد محەممەد چەندین سروودی ئایینی تایبەت بە بۆنەكە پێشكەش دەكرێن.