لە ڕووداوێکی سەختی هاووچۆ لە بەردەرەش سێ کەس گیانیان لەدەست دا

ئاڤا نیوز

 

لە ڕووداوێکی هاتووچۆ لە سنووری قەزای بەردەڕەش سێ کەس گیانیان لەدەست دا و کەسێکی دیکەش بریندار بوو.

 

چیرۆکی سەرەکی: کاتژمێر 9:40 خولەکی بەیانیی ئەمڕۆ شەممە 9/4/2025، لەسەر ڕێگای سەرەکی هەولێر – دهۆک، لە بەرزەپردی گوندی بەردەسۆری سەر بە ناحیەی ڕوڤیا لە سنووری قەزای بەردەڕەش، ئۆتۆمبێلێک خۆی کێشا بە کەسێك و ڕاگرێکی بەرزە پردەکە، لە ئەنجامی ئەو ڕووداوە سێ کەس گیانیان لەدەست دا و یەکێکی دیکەش بریندار بوو.

 

لێدوانی فەرمی: موقەدم سەعید عەبدوڵڵا، بەڕێوەبەری هاتووچۆی ناحیەی ڕوڤیا بە ئاڤای گوت، ئەو ئۆتۆمبێلەی دووچاری ڕووداو بووەتەوە لە سایدی هەولێر بەرەو دهۆکەوە هاتووە، سێ کەسی تێدا بووە، پیاوێک و ژنەکەی و منداڵەکەیان، ئەو ئۆتۆمبێلە خۆی بە کەسێکدا کێشاوە کە پێشمەرگە بووە و خەڵکی گوندی بەردەسۆر بووە، دواتر ئۆتۆمبێلەکە خۆی بە ڕاگرێکی بەرزەپردی گوندەکە داکێشاوە.

 

زانیاریی زیاتر: لەو ڕووداوە سێ کەس گیانیان لەدەست داوە ئەوانیش پێشمەرگەکە و شۆفێری ئۆتۆمبێل و خێزانەکەی بوون، منداڵەکەش بە سەختی بریندار بووە و ڕەوانەی نەخۆشخانە کراوە.