لە یادی مەولوودا، دزی لە مەزارێکی باشووری عێراق دەکرێت

ئاڤا نیوز

لە ڕۆژی مەولوود و لەدایکبوونی پێغەمبەری ئیسلام (د.خ)، لە پارێزگای زیقاری باشووری عێراق دزی لە مەزارێک کرا و دزەکان چەند پارچەیەکی سپلیت و ماتۆڕی ئاوی مەزارەکەیان بردووە، دواتریش دەستگیرکراون.

وێنە گەورەکە: لە بۆنە ئاینییەکاندا مەزارەکان زیاتر قەرەباڵغ دەبن و خەڵکی بۆ پتەوکردنی باوەڕ و پەرستشەکانیان زیاتر ڕوویان تێدەکەن، ئەوەش وادەکات ڕووداوی نەخوازراو زیاتر ڕووبدەن.

زانیاریی بەدەستهاتوو: میدیای عێراق لە سەرچاوە ئەمنییەکانی زیقارەوە بڵاویانکردەوە، لە مەزاری سەید محەممەد- ئەبو جاسم لە قەزای ئەلغرافی باکووری ناسرییە، چەند کەسێک هەستاون چەند پارچەیەکی سپلیت و ماتۆڕی ئاوی مەزارەکەیان دزیوە، هێزە ئەمنییەکانیش لەسەر ئەم ڕووداوە دوو کەسیان دەستگیرکردووە.

ئاماژە بەوەش دەکەن، یەکێک لە دەستگیرکراوەکان سەر بە گرووپێکی چەکدارییە و بەگوێرەی ماددەی 446 لە یاسای سزادانی عێراقی ڕاگیراون.