لە پورتوگال  17 کەس بەهۆی ڕووداوێکی هاتووچۆ گیان لەدەست دەدەن

ئاڤا نیوز

لە ڕێڕەودەرچوونی ترامێکی کارەبایی لە پایتەختی پورتوگال 17 کەس گیانیان لەدەستدا و ڕووداوەکەش بە خراپترین ڕووداو دانرا لە مێژووی مۆدێرنی پورتوگالدا.

چیرۆکی سەرەکی: لە ڕۆژی 4-9-2025 لە شاری لشبونەی پایتەختی پورتوگال لە ئەنجامی لەڕێڕەو دەرچوونی ترامێکی کارەبای  17 کەس گیانیان لەدەستدا و پێنج کەسیش بریندارن.

زانیاریی بەدەستهاتوو: ترامەکە بە خێرایەکی زۆرەوە لە لووتکەی گردەکە هاتووەتە خوارەوە کە ئەمەش وای کردووە کۆنترۆڵ لەدەست بدات و لە ڕێورەو دەربچێت.

لێدوانی فەرمی: کارڵۆس موداس، پارێزگاری شارەکە ڕایگەیاند، شارەکە لە ماتەمینیدایە و "ئەوە کارەساتێکە پێشتر نەمانبینیوە".

ئەوەی پێویستە بیزانیت: ترام ئامرازێکی گواستنەوەی کارەبایی بەناوبانگی شاری لشبونەی پایتەختی پورتوگالە، ساڵانە هەزاران گەشتیار بەکاری دێنن بۆ گواستنەوە لە ناوچە بەرزەکانی وڵاتەکە.