فڕۆکەخانەی بن گۆریۆن لە تەل ئەبیب لەلایەن حووسییەکانەوە دەکرێتە ئامانج

ئاڤا نیوز

حووسییەکان مووشەکێکی بالیستیکییان ئاراستەی فڕۆکەخانەی "دەیڤید بن گۆریۆن"یان لە تەلئەبیب لە ناوەڕاستی ئیسرائیل کردووەتە ئامانج. بەپێی ڕاگەیێنراوی حووسییەکان، ھێرشەکە ئامانجەکەی پێکاوە.

وێنە گەورەکە: هێرشەکان لەلایەن ئیسرائیل و حووسییەکانی یەمەن بۆ سەر یەکتری بەردەوامە، پێنجشەممەی ڕابردوو ئیسرائیل چەند ئامانجێکی لە یەمەن بۆردوومان کرد، دواتریش حکومەتی حووسییەکان کوژرانی سەرۆکوەزیران و چەند وەزیرێکیان لەمیانی بەشداریکردنیان لە چالاکییەکی حکومەت لە ڕۆژئاوای یەمەن بەهۆی هێرشەکانی ئیسرائیلەوە ڕاگەیاند. لە تۆڵەی ئەم هێرشەی ئیسرائیل، حووسییەکان چەند جارێک بۆردوومانی ئیسرائیلی کردووە. کۆتاا هێرشیش ئەمڕۆ بوو کە فڕۆکەخانەی بن گۆریۆنی کردە ئامانج.

ڕاگەیێنراوی فەرمی: یەحیا سەریع، وتەبێژی سەربازیی حووسییەکان ڕایگەیاند: چەکدارەکانیان، مووشەکێکی بالیستیکییان ئاراستەی فڕۆکەخانەی دەیڤید بن گۆریۆن لە تەلئەبیب کردووە کە سیستەمی بەرگریی ئیسرائیل و ئەمریکا شکستیان ھێناوە لە ڕێگرییکردن لە مووشەکەکە.

- ھێرشەکە، ئامانجەکەی پێکاوە و بووەتە مایەی دروستبوونی ترس و دڵەڕاوکێ لەلای ئیسرائیلییەکان، ھەروەھا بەھۆی ھێرشەکەوە، گەشتەکان لە فڕۆکەخانەی دەیڤید بن گۆریۆن، ڕاگیراون.