پەیامی نوێ لە ئەمریکاوە: کوردستان هاوپەیمان و هاوبەشێکی سەرەکییمانە

ئاڤا نیوز

فەرماندەی فەرماندەیی ناوەندی ئەمریکا (سێنتکۆم) ڕایگەیاند، "هەرێمی کوردستان هاوپەیمان و هاوبەشێکی سەرەکیی ئەمریکایە لە ناوچەکەدا بەردەوام دەبین لە پاڵپشتییەکانمان".


وێنە گەورەکە: ڕۆژی سێشەممە فەرماندەی فەرماندەیی ناوەندی ئەمریکا (سێنتکۆمە)، یەکەم سەردانی خۆی بۆ هەرێمی کوردستان ئەنجامدا و دوو کۆبوونەوەی گرنگی لەگەڵ نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی هەرێمی کوردستان ئەنجامدا، لە کۆبوونەوەکاندا گفتوگۆ لەسەر پەرەسەندنەکانی ئاسایشی هەرێمی و شەڕی دژ بە داعش کرا و جەخت لەسەر گرنگیی پشتگیریی ئەمریکا بۆ هێزەکانی پێشمەرگە کرایەوە. هاوکات حکومەتی هەرێمی کوردستان ئامادەیی هەموو هەماهەنگی و پشتیووانییەکە لەگەڵ ئەمریکا وەکو هاوپەیمانێکی ستراتیژی.


هەر ئەمڕۆ پێنجشەممە براد کوپەر سەردانی ڕۆژئاوای کوردستانی کرد و لەگەڵ بەرپرسانی ئەو ناوچەیەش کۆبوونەوەیەکی گرنگی ئەنجامداوە.


ڕاگەیێنراوی فەرمی: بەپێی ڕاگەیێنراوی سێنتکۆم، کوپەر ڕۆڵی هەرێمی کوردستانی بەرز نرخاند و ڕایگەیاند، "هەرێمی کوردستان هاوپەیمان و هاوبەشێکی سەرەکیی ئەمریکایە لە ناوچەکەدا و ئێمە بەردەوامین لە پابەندبوونمان بۆ پشتگیریکردنی ئاسایش و سەقامگیریی هاوپەیمانەکانمان لێرە."


ئەوەی پێویستە بیزانیت: ئەم پەیام و پشتیوانییەی ئەمریکا بۆ کوردستان لەکاتێکدایە، ئەمریکا لە شارەکانی عێراق دەستی بە کشاندنەوەی هێزەکانی کردووە و بەرەو هەولێر هەنگاوی ناوە و پشتیووانییەکانی هاوشێوەی هاوپەیمانێکی گرنگ سەیر دەکرێت.