پووتین زێلێنسکی بانگهێشتی مۆسکۆ دەکات

ئاڤا نیوز

 
ڕووسیا ئامادەیی خۆی بۆ ئاگربەست و ئاشتی لەگەڵ ئۆکراینا نیشان دەدات و داوا دەکات زێلێنسکی سەردانی مۆسکۆ بکات.

لێدوانی فەرمی: ڤلادیمیر پووتین، سەرۆکی ڕووسیا، ڕایگەیاند: ئۆکراینا کۆبوونەوەی دەوێت، منیش ئامادەم، وەرە، ئێمە دۆخی کار و ئاسایش دابین دەکەین.

-    باشترین شوێن بۆ گفتوگۆ مۆسکۆی پایتەختی ڕووسیایە.

-    ئۆکراینا مافی ڕەوای خۆیەتی ببێتە ئەندامی یەکێتیی ئەوروپا.

-    ڕووسیا 100٪ گەرەنتیی ئاسایشی ئۆکراینا دەدات.

-    بوونی هێزی بیانی لە ئۆکراینا بێپاساوە و دەبنە ئامانجێکی ڕەوا بۆ سوپای ڕووسیا. 

 
زانیاریی زیاتر: لە شوباتی 2022ـەوە کە شەڕی نێوان ڕووسیا و ئۆکراینا دەستیپێکردووە دەیان هەزار کەس کوژراون و ملیۆنان کەسیش بە ناچاری لە ماڵ و حاڵی خۆیان جێهێشتووە و ئەمە بووەتە خوێناویترین ململانێی ئەوروپا لە دوای جەنگی جیهانی دووەمەوە.