ڤلادیمیر پووتن وەڵامی ماکرۆن دەداتەوە؛ سەربازەکانتان دەکەینە ئامانج

ئاڤا نیوز

سەرۆکی ڕووسیا وەڵامی سەرۆکی فەرەنسا دەداتەوە بۆ گەرەنتیکردنی ئاسایشی ئۆکراینا و بە هۆکارێک بۆ بەردەوامی جەنگ ناوزەندی دەکات.

چیرۆکی سەرەکی: دوای کۆبوونەوە لەگەڵ سەرکردەکانی ئەوروپا و  ڤۆلۆدیمێر زیلێنسکی، سەرۆکی ئۆکراینا ئیمانوێل ماکرۆن، سەرۆکی فەرەنسا وتی، ئێستا 26 وڵات ئامادەن گەرەنتی ئاسایشی ئۆکراینا بکەن، ئەمەش هێزی نێودەوڵەتی وشکانی و دەریایی و ئاسمانی دەگرێتەوە و لە بەرامبەر هەر هێرشێک بۆ سەر خاکی ئۆکراینا وەڵامیان دەبێت.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند: هەر هێزێک بێتە نێو خاکی ئۆکراینا دەبێتە ئامانجێکی سەربازی بۆ سوپای ڕووسیا، بە تایبەت لە کاتی جەنگدا بوونی هێزی سەربازی لە نێو ئۆکراینا ڕەوایەتی دەدات بە فڕۆکەکانی ڕووسیا بکرێنە ئامانج و وێرانیان بکەن، کاتێک دەوڵەتانی ئەوروپا باسی ئاشتی دەکەن، نابێت ناردنی هێزی سەربازی بژاردە بێت، ئەمە هۆکاری بەردەوامی جەنگ دەبێت.

باکگراوند: جەنگی نێوان ڕووسیا و ئۆکراینا لە 2022-02-24 دەستی پێکرد، دوای هەوڵە دیپلۆماسی و نێوەندگیرییەکان 12 هەزار و شەش دیلی جەنگ لە نێوان هەردوو دەوڵەت ئاڵوگۆڕ کراون، سەرەڕای هەوڵە دیپلۆماسییەکان تاوەکو ئێستا جەنگ بەردەوامە لە دوایین هەنگاودا دەوڵەتانی ئەوروپا بژاردەی هێزی سەربازی بۆ گەرەنتیکردنی ئاسایشی ئۆکراینا وەک ڕێگە چارە ڕادەگەیەنن.