بارەگای بارزانی: سەرۆكی فەرەنسا سەردانی هەرێمی کوردستان دەكات

ئاڤا نیوز

بەگوێرەی ڕاگەیێنراوی بارەگای بارزانی، لە كۆبوونەوەی ئەمڕۆی نێوان سەرۆك بارزانی و وەزیری دەرەوەی فەرەنسا، باس لە سەردانە چاوەڕوانكراوەكەی ئیمانوێل ماكرۆن، سەرۆكی فەرەنسا بۆ هەرێمی كوردستان و عێراق كراوە.

چیرۆكی سەرەكی: لە درێژەی سەردانەكەیدا بۆ فەرەنسا، بە مەبەستی بەشداریكردن لە ڕێوڕەسمی كردنەوەی شەقامی پێشمەرگە لە ناوجەرگەی پاریس پایتەختی ئەو وڵاتە، ئێوارەی ئەمڕۆ هەینی، 5ـی ئەیلوولی 2025، سەرۆك بارزانی، سەردانی وەزارەتی دەرەوەی فەرەنسای كرد لە پاریس و لەلایەن ژان نۆوێل بارۆ، وەزیری دەرەوەی فەرەنسا پێشوازی لێكرا.

ڕاگەیێنراوی فەرمی: بارەگای بارزانی لەبارەی سەردانەكەی سەرۆك بارزانی بۆ وەزارەتی دەرەوەی فەرەنسا و ناوەڕۆكی كۆبوونەوەكە، لە ڕاگەیێنراوێكدا ئەوەی خستووەتەڕوو كە لەدیدارەکەدا وێڕای ئاماژەدان بە پەیوەندی و دۆستایەتیی مێژوویی هەردوو گەلی کوردستان و فەرەنسا، جەخت لە پەرەپێدانی پەیوەندیی نێوان هەردوولا کرایەوە و ڕۆشناییش خرایە سەر سەردانە چاوەڕوانکراوەکەی ئیمانوێل ماکرۆن بۆ عێراق و هەرێمی کوردستان کە ئەمساڵ ئەنجام دەدرێت.

زانیاریی زیاتر: هەر لەو دیدارەدا باس لە پەیوەندییەکانی نێوان هەولێر و بەغدا و پێویستیی پابەندبوون بە دەستوور و چارەسەرکردنی گرفتەکان کراوە.

لەلایەكی دیكەوە: هەڕەشەکانی تیرۆر و پێویستیی هەماهەنگیی لایەنەکان بۆ ڕووبەڕووبوونەوەی تیرۆر تاوتوێ کرا و وەزیری دەرەوەی فەڕەنسا جەختی لە پشتگیریی بەردەوامیی وڵاتەکەی بۆ هەرێمی کوردستان کردەوە.