دوای 38 ساڵ ترەمپ چەکی قورس بە وڵاتان دەفرۆشێت

ئاڤا نیوز

ئاژانسەکانی هەواڵ ئاشکرایان کردووە، ترەمپ دەیەوێت دوای دەیان ساڵ چەکە پێشکەوتووەکانی ئەمریکا بە وڵاتانی دیکە بفرۆشێت کە لە ساڵی 1987ـەوە بەپێی پەیماننامەیەک قەدەغە کرابوو.

زانیاریی بەدەستهاتوو: بەرپرسێکی ئەمریکی بە ئاژانسی ڕۆیتەرزی ڕاگەیاندووە، دۆناڵد ترەمپ، سەرۆکی ئەمریکا بەشێوەیەکی تاکلایەنە پێداچوونەوە بە پەیماننامەی کۆنتڕۆڵکردنی مووشەک دەکات کە 38 ساڵ لەمەوبەر واژۆکراوە، بەمەبەستی فرۆشتنی درۆنی پێشکەوتوو لە جۆری ڕیپەر و درۆنە سەربازییە پێشكەوتووەکانی دیکە بە وڵاتانی جیهان.

زانیاریی زیاتر: ئیدارەی ترەمپ لە پلانیدایە زیاتر لە 100 درۆنی MQ-9 لە چوارچێوەی ڕێککەوتنی فرۆشتنی چەک بە بەهای 142 ملیار دۆلار کە لە مانگی پێنج ڕاگەیێنرا بفرۆشێتە وڵاتی سعوودیە.

ئەوەی پێویستە بیزانیت: بە پۆلێنکردنی درۆنەکان وەک فڕۆکەی جەنگی هاوشێوەی F-16 نەک سیستەمی موشەکی، ئەمریکا خۆی لە ڕێککەوتننامەی کۆنترۆڵی تەکنەلۆژیای موشەکی (MTCR) کە لە ساڵی 1987 واژۆی کردووە، دەدزێتەوە. ئەمەش فرۆشتنی درۆنەکان بە وڵاتانی وەک ئیمارات و وڵاتانی ڕۆژهەڵاتی ئەوروپا خێراتر دەکات، کە هەوڵێکی زۆریان داوە بۆ بەدەستهێنانی باشترین فڕۆکە بێفڕۆکەوانەکانی ئەمریکا.