ڕاوێژکاری ئابووری سوودانی: ملیارەها دۆلاری قاچاخ بەهۆی گەندەڵییەوە لە دەرەوەی وڵاتە

ئاڤا نیوز

مەزهەر محەممەد ساڵح، ڕاوێژکاری ئابووریی سەرۆکوەزیرانی عێراق دووپاتی کردەوە کە قسە و باس هەیە سەبارەت بە پارەی قاچاخی سەر بە ڕژێمی پێشوو یان دەرئەنجامی دۆسیەی گەندەڵی لە دوای ساڵی 2003 کە سەرجەمیان براونەتە دەرەوەی وڵات.

وێنە گەورەکە: بەپێی ڕێکخراوی شەفافیەتی نێودەوڵەتی، عێراق یەکێکە لە گەندەڵترین وڵات لە جیهاندا، لە دوای ساڵی 2003ـەوە گەندەڵی لەو وڵاتە بووەتە دیاردە و سەرجەم دامەزراوەکانی دەوڵەتی گرتووەتەوە و تەنانەت بە ملیارەها دۆلار بە گەندەڵی و نایاسایی براونەتە دەرەوەی وڵات.

ڕاگەیێنراوی فەرمی: مەزهەر محەممەد ساڵح ڕایگەیاند:  ئەو بڕە پارانە بریتین لە پارەی بانکی، خانووبەرە، سەروەت و سامانی دارایی جۆراوجۆر و لە ئێستادا بەدواداچوون و لێکۆڵینەوەیان لەبارەوە دەکرێت، لەگەڵ وڵاتان هەماهەنگی و هاوکاریی هەیە بۆ گەڕاندنەوەی ئەو سەرەوت و سامانەی وڵات.

زانیاریی زیاتر: بە گوتەی ساڵح، "دەستەی وەرگرتنەوەی سەروەت و سامان ماندوونەناسانە کاردەکات و ئەمڕۆ خاوەنی شارەزایی یاسایی و مەیدانی کاریگەرە لەم بوارەدا."