لە تورکیا 107 کۆچبەری نایاسایی دەستگیر کران

ئاڤا نیوز

له‌ ئۆپه‌راسیۆنێكی هێزه‌كانی پاسه‌وانی سنووری ده‌ریایی توركیا، له‌ كه‌ناراوه‌كانی شارۆچكه‌ی چێشمەی سه‌ر به‌ پارێزگای ئیزمیر، 107 كۆچبه‌ری نایاسایی ده‌ستگیر كران، كه‌ هه‌وڵیان ده‌دا به‌ ڕێگه‌ی نایاسایی بچنه‌ ئه‌وروپا. هه‌روه‌ها، 30 كۆچبه‌ری دیكه‌ش له‌ كه‌ناراوه‌كانی سێفه‌ریهیسار له‌ خنكان ڕزگار كران.

ڕاگەیێنراوی فەرمی: به‌ گوێره‌ی ڕاگه‌یێنراوێكی فه‌رمانده‌یی هێزه‌ ده‌ریاییه‌كانی توركیا، دوای ئه‌وه‌ی دوو به‌له‌می گوماناوی له‌ كه‌ناراوه‌كانی چێشمه‌ بینران، هێزه‌كانیان ده‌ستیان به‌سه‌ردا گرتن.

 

له‌ یه‌كێك له‌ به‌له‌مه‌كاندا 73 كۆچبه‌ر، كه‌ دوویان منداڵ بوون، ده‌ستگیر كران. هه‌ر له‌ هه‌مان ناوچه‌ بەلەمێکی دیکەی كۆچبه‌ران بینراوە و 34 سه‌رنشینی نایاسایی ده‌ستگیر كران.

له‌لایه‌كی دیكه‌وه‌: له‌ كه‌ناراوه‌كانی شارۆچكه‌ی سێفه‌ریهیسار، به‌له‌مێكی كۆچبه‌ران به‌هۆی تێكچوونی بزوێنه‌ره‌كه‌یه‌وه‌ له‌كار كه‌وتبوو و خه‌ریك بوو ژێرئاو بكه‌وێت. هێزه‌ ده‌ریاییه‌كان توانییان 30 كۆچبه‌ر، كه‌ 12یان منداڵ بوون له‌ مه‌ترسیی خنكان رزگار بكه‌ن.

ئەوەی پێویستە بیزانیت: دوای گرتنه‌به‌ری ڕێكاره‌ یاساییه‌كان، سه‌رجه‌م كۆچبه‌ره‌ ده‌ستگیركراو و ڕزگاركراوه‌كان ڕه‌وانه‌ی به‌ڕێوه‌به‌رایه‌تیی كۆچی پارێزگای ئیزمیر كران.