ژەنینی مۆسیقا مێشک لە پیربوون دەپارێزێت

ئاڤا نیوز

وێنەی پشکنینی تیشک MRI دەریخستووە کە مێشکی مۆسیقاژەنە بەساڵاچووەکان وەک مێشکی گەنجەکان کارا بووە، کەمتر وزەی بەکارهێناوە بۆ تێگەیشتن لە دەنگەکان.

چیرۆکی سەرەکی: توێژینەوەیەکی زانستی نوێ لەلایەن کۆمەڵێک توێژەرانی وڵاتی کەنەدا و چین دەریان خستووە کە فێربوونی ژەنینی ئامێرێکی مۆسیقا دەتوانێت مێشک لە کاریگەرییەکانی پیری بپارێزێت، بەهۆی بەهێزکردنی خانەی تایبەت بە ناسینەوەی شتەکان.

زانیاریی بەدەستهاتوو: دکتۆر یی دۆ لەوبارەیەوە دەڵێت: "هەروەک چۆن ئامێرێکی مۆسیقای شارەزا پێویستی بە ژەنینێکی بەرز نییە بۆ ئەوەی ببیسترێت، مێشکی مۆسیقاژەنە بەساڵاچووەکان بەهۆی ساڵانێکی زۆر لە ڕاهێنانەوە ڕێکخراو و کارا دەمێنێتەوە".

زانیاریی زیاتر: توێژینەکە دەریخستووە بەساڵاچووانی مۆسیقاژەن توانای باشتریان لە تێگەیشتنی قسەکردندا هەیە لەناو ژاوەژاودا، بە بەراورد بەوانەی مۆسیقاژەن نین.

ئەمەش بزانە: ڕاهێنای بۆ ماوەیەکی درێژخایەن لەسەر ئامێرەکانی مۆسیقا (نزیکەی 12 کاتژمێر لە هەفتەیەکدا) پەیوەندی نێوان ناوچەکانی بیستن، جووڵە و قسەکردن لە مێشکدا بەهێز دەکات.