سالار فەلاحی "بەڵێن"ـەکەی لە ڕێگەی ئاڤا میدیاوە بڵاو دەکاتەوە

ئاڤا نیوز

هونەرمەندی ڕۆژهەڵاتی کوردستان سالار فەلاحی، نوێترین بەرهەمی خۆی لەڕێگەی ئاڤا میدیاوە بڵاو دەکاتەوە و  دوو بەرهەمی دیکەیشی ئامادەن و بەمزووانە بڵاودەکرێنەوە.

لێدوانی فەرمی: سالار فەلاحی بە ئاڤا میدیای ڕایگەیاند، "میوزیکی ئەم بەرهەمە خۆم دامناوە و پارسا ئەسکەندەری کاری دابەشکردنی موزیکی بۆ کردووە و نالی خۆشناو تێکستی گۆرانییەکەی نووسیوە و ڤیدیۆ کلیپەکەش ئەدیب سولەیمان بەرهەمی هێناوە.

سالار فەلاحی هەر لە ڕێگەی ئاڤا میدیاوە ڕایدەگەیەنێت کە دوو بەرهەمی نوێی دیکەیشی ئامادەن و بەمزووانە بڵاودەکرێنەوە.

ئەوەی پێویستە بیزانیت: سالار فەلاحی خەڵکی دیواندەرەی سەر بە پارێزگای سنەیە و گۆرانی "بەڵێن" چوارەم بەرهەمی تایبەت بە خۆیەتی و یەکەم بەرهەمیشییەتی بە شێوازی پۆپ بڵاوی بکاتەوە، سێ بەرهەمەکەی پێشووی بە شێوازی ئارابێسک بڵاوکردوونەتەوە.