ئاڤای خەڵک؛ کۆمەڵێک ماتۆڕسوار بوونەتە هۆی بێزاری دانیشتووانی هەشتی حەسارۆک لە هەولێر

ئاڤا نیوز

دانیشتووانی گەڕەکی هەشتی حەسارۆکی شاری هەولێر، لە دەست ماتۆڕسواران کە ئێواران، بە تایبەتی ڕۆژانی هەینی، لەسەر شەقامێکی گەڕەکەکە کۆدەبنەوە ئارامی خەڵک تێکدەکەن، بێزار بوون.

چیرۆکی سەرەکی: کۆمەڵێک ماتۆڕسوار بە خلیسکاندنی ماتۆڕەکانیان، دەردانی دەنگی بەرز، و نمایشکردن لەسەر شەقامەکە، بوونەتە سەرچاوەی بێزاری و نیگەرانییەکی زۆر و مەترسی لەسەر سەلامەتی خەڵك و شۆفێرانی دیکەش دروست دەکەن.

لێدوانی فەرمی: نەبەزعەبدولحەمید، قایمقامی هەولێر، بەڵێنی دا کە "بۆیان چارەسەر دەکەین." ناوبراو ئاماژەی بەوەدا کە پۆلیس و پۆلیسی هاتووچۆ ئاگادار دەکەنەوە بۆ ئەوەی بچنە ئەو شوێنە و ڕێگە نەدرێت کەس خەڵک بێزار بکات.