لە هێرشێکی چەکداریدا لە نەیجیریا زیاتر لە 63 کەس کوژران

ئاڤا نیوز

لە هێرشی گروپێکی چەکداری بۆ سەر شارێکی باکووری نەیجیریا زیاد لە  63 کەس کوژران.

چیرۆکی سەرەکی: بە هۆی ناسەقامگیری و هێرشی بەردەوامی گرووپە چەکدارەکانی دژ بە حکومەت، هاووڵاتیانی شارەکانی باکووری نەیجیریا بەردەوام پەنا دەبەنە بەر ئەو کەمپانەی لە لایەن حکومەتەوە پارێزگاری لێدەکرێت، لە کاتی گەڕانەوەی ژمارەیەک هاوڵاتی پارێزگای بۆرنۆ بۆ ناوچەکەی خۆیان لە لایەن چەکدارانی گروپەکانی دژ بە حکومەت هێرشیان کراوەتە سەر.

لێدوانی فەرمی: بابەگەنا زوڵوم، پارێزگاری ئیمباتڵد بۆرنۆ بە میدیاکانی ڕاگەیاند: شەوی ڕابردوو گرووپی جیهادی دژ بە حکومەت هێرشیان کردووەتەسەر ئەو هاووڵاتیانەی لە کەمپەکانی حکومەت گەڕاونەتەوە بۆ شوێنی نیشتەجێبوونی خۆیان و زیاد لە 63 کەسیان کوشتوون، پێنج لەو کوژراوانە سەربازی سوپا بوون کە پارێزگارییان لە خەڵکەکە کردووە.

زانیاریی زیاتر: هێرشەکە لە لایەن ڕێکخراوی تیرۆرستی بۆکۆحەرام ئەنجامدراوە کە لە شارەکانی ڕۆژئاوا و باکووری نەیجیریا بەردەوام هێرش دەکەنە سەر سوپای وڵاتەکە،

پەیامی فەرمی: حکومەتی نەیجیریا لە پەیامێکدا بەڵێنی تۆڵەسەندنەوە و هێرشکردنە سەر گرووپەکەی بە خەڵکی پارێزگاکە داوە.