گەشتیارێکی عەرەب لە سنووری قەزای خەلیفان خنکا

ئاڤا نیوز

سێ گەشتیار بەمەبەستی گەشتکردن سەردانی ناوچە گەشتیارییەکانی ئیدارەی سەربەخۆی سۆرانیان کردووە، یەکێکیان دەخنکێت و دووانیان لەلایەن ماسیگرەکانەوە ڕزگار دەکرێن.

چیرۆکی سەرەکی: پێشنیوەڕۆی ئەمڕۆ یەکشەممە، لە دۆڵی خەلان بیاو کە دەکەوێتە سنووری قەزای خەلیفان، سێ گەشتیاری عەرەب مەلە لە ڕووبارەکە دەکەن، دەرەنجام یەکێکیان خنکاوە و ئەوانی دیکەش ڕزگار کراون.

لێدوانی فەرمی: ڕەوەند هاودیانی، وتەبێژی بەرگری شارستانی سۆران بە ئاڤای گوت، "گەشتیارەکە تەمەن 16 ساڵە و دانیشتووی بەغدایە، دوو هاوڕێکەی لەلایەن ماسیگرەکانی ئەو سنوورە ڕزگار کراون، بەڵام بەداخەوە یەکێکیان خنکاوە، تەرمەکەی ڕەوانەی پزیشکی دادی سۆران کراوە."

ئەمەش بزانە: ئەمە 10ـەیەمین حاڵەتی خنکانە، لە سەرەتای ئەمساڵ کە لە ئیدارەی سەربەخۆی سۆران تۆماردەکرێت.