لە قەزای خەلیفان کارەبای گشتیی دەکوژێنرێتەوە

ئاڤا نیوز

تیمەکانی پڕۆژەی ڕووناکی بەردەوام کاردەکەن بۆ دابنیکردنی کارەبای 24 کاتژمێری، بڕیارە سبەی سێ شەممە لە تەواوی قەزای خەلیفان بۆ ماوەی 10 کاژمێر کارەبا بکوژێنرێتەوە، تاوەکو تیمەکان بتوانن کار بکەن لەناوچەکە.

وێنە گەورەکە: پڕۆژەی ڕووناکی بەردەوامە لە دابینکردنی کارەبای 24 کاتژمێری بۆ قەزا و ناحیەکان، دوای ئەوەی کارەبای بەشێکی زۆری شارەکان بووە 24 کاتژمێری.

لێدوانی فەرمی: ئەردەوان ئیبراهیم، بەڕێوەبەری کارەبای سۆران، بە ئاڤا میدیای ڕاگەیاند، بەهۆی کارکردنی تیمەکانی ڕووناکی لە قەزای خەلیفان تەواوی کارەبای گشتیی دەکوژێنرێتەوە لە کاتژمێر شەشی بەیانی تا چواری ئێوارە، لەو ماوەیە کارەبای مۆلیدە بۆ هاووڵاتیان دابیندەکرێت.

زانیاریی زیاتر: بەڕێوەبەری کارەبای سۆران، دەڵێت، ئێستا کارەبای تەواوی سەنتەری سۆران و ڕەواندز کراوە بە 24 کاتژمێری بڕیارە تاوەکو کۆتایی ئەم مانگە تەواوی ئیدارەی سەربەخۆی سۆران بە قەزا و ناحیە و گوندەکان کارەبای 24 کاژمێری بۆ دابین بکرێت.