ژەنیار ئارام: کار لەسەر ئاوێتە کردنی میوزیکی کوردی بە ستایلە جیهانییەکان دەکەم

ئاڤا نیوز

هونەرمەندی میوزیکژەن ژەنیار ئارام دووپاتی دەکاتەوە کار لەسەر ئاوێتەکردنی میوزیکی کوردی بەو ستایلە جیهانیانە دەکات کە بوونەتە فۆرم.

چیرۆکی سەرەکی: ژەنیار ئارام هونەرمەندێکی شاری سلێمانییە و لە خێزانێکی هونەری لەدایکبووە ، 15 ساڵە موزیکژەنە و ئامێری پیانۆ دەژەنێت و دابەشکاری میوزیکە.

لێدوانی فەرمی: میوزیکژەن ژەنیار ئارام بە ئاڤا میدیای گوت: میوزیک تێکەڵاوی هەست و خوێن و تەواوی دەمارەکانم بووە و هەر کارێکم کردووە لە میوزیک لێی پەشیمان نیم.

ژەنیار ئارام ئەمانەشی وت:

٠ ئامانجم ئەوەیە بەشێوەی مۆدیرن کار لە میوزیکی کوردی بکەم کە ڕەنگدانەوەی جیهانی هەبێت، ئەویش بە ئاوێتەکردنی میوزیکی کوردی لەگەڵ ئەو ستایلانەی لە جیهان بوونەتە فۆرم.

٠ باوکم و دایکم هاندەر و پاڵپشتم بوون لە کاری هونەری و کاریگەری گەورەیان لەسەرم هەبووە.

٠ هەرچەندە من زیاتر پشت بەخۆم دەبەستم، بەڵام لەگەڵ ئەوەشدا بەردەوام هەر پرسیارێکم هەبێت دەربارەی مێژوو، مەودای ئامێر، هارمۆنی و فۆرم لە باوکم دەپرسم و ڕاوێژی پێدەکەم.

ئەوەی ئێستا ڕوودەدات: هونەرمەند ژەنیار ئارام ئێستا کار لەسەر نووسینی فێرکاری دەکات بۆ فێربوونی ئامێری پیانۆ.

هەنگاوی داهاتوو: هەردوو هونەرمەندی میوزیکژەن وەلید ئەحمەد و ژەنیار ئارام لە داهاتوو کۆنسێرتی هاوبەشی هەردوو ئامێری فلوت و پیانۆ لە شاری سلێمانی ئەنجام دەدەن و ئێستا ئامادەکاری بۆ ئەو کۆنسێرتە دەکەن.