وەزارەتی دارایی و ئابووری: لیستی مووچەی مانگی هەشت بۆ حکومەتی فیدڕاڵ نێردرا

ئاڤا نیوز

وەزارەتی دارایی و ئابووری ڕایگەیاند، لیستی مووچەی مانگی هەشتیان ڕەوانەی وەزارەتی دارایی حکومەتی فیدراڵ کردووە.

وێنە گەورەکە: ماوەی چەند مانگێکە لەلایەن وەزارەتی دارایی حکومەتی عێراقەوە گرفت بۆ مووچەی مووچەخۆرانی هەرێمی کوردستان دروستکراوە و لەکاتی خۆیدا مووچە نانێرێت، ئەمەش لەکاتێکدایە کە حکومەتی هەرێمی کوردستان سەرجەم پابەندییە یاساییەکانی خۆی جێبەجێکردووە. 

ڕاگەیێنراوی فەرمی: وەزارەتی دارایی و ئابووری حکومەتی هەرێمی کوردستان ڕایگەیاند: ڕۆژی سێشەممە 9-9-2025 لیستی مووچەی مانگی هەشتی فەرمانبەرانی هەرێمی کوردستان لەلایەن تیمی تەکنیکییەوە بۆ فەرمانگەی ژمێریاری وەزارەتی دارایی حکومەتی فیدڕڵ نێردرا. 

لەلایەکی دیکەوە: پێشتر سەرچاوەیەک لە وەزارەتی دارایی و ئابووری هەرێمی کوردستان بە ئاڤای ڕاگەیاند، ئەمڕۆ سێشەممە کاتژمێر 9:00 لیستی مووچەی مانگی هەشت ڕەوانەی بەشی ژمێرکاری وەزارەتی دارایی فیدڕاڵی دەکرێت و لەوێ دەست بە وردبینی دەکرێت.