پۆڵەندا: ڕووسیا ئاسمانی وڵاتەکەمانی بۆ هێرشکردنە سەر ئۆکرانیا بەکارهێناوە

ئاڤا نیوز

 
ئەمڕۆ چوارشەممە سوپای پۆڵەندا ڕایگەیاند، ئاسمانی وڵاتەکەی چەندین جار لە کاتی هێرشی ڕووسیا بۆ سەر ئۆکرانیا لەلایەن فڕۆکەی بێفڕۆکەوانی ڕووسیاوە پێشێل کراوە.

 

وێنەگەورەکە: ڕۆژی 10-9-2025، ڕووسیا لە کاتی هێرشی درۆنی بۆ سەر ڕۆژئاوای ئۆکرانیا ئاسمانی وڵاتی پۆڵەندای پێشێل کرد  و ئەمەش یەکەمجارە بۆ ڕووسیا هێرشێکی لەم شێوەیە بۆ وڵاتێکی ئەندامی ناتۆ لە دوای دەستپێکردنی شەڕی نێوان ڕووسیا و ئۆکراینا بکات.

 

بڵاوکراوەی فەرمی: فەرماندەیی ئۆپەراسیۆنی هێزە چەکدارەکانی پۆڵەندا لە بەیاننامەیەکدا  ڕایگەیاند، "لە کاتی هێرشەکەی ئەمڕۆی ڕووسیا کە ئامانجی سەرەکی ئۆکرانیا بوو، ئاسمانی ئێمە چەندین جار لەلایەن فڕۆکەی بێفڕۆکەوانەوە پێشێل کراوە و فڕۆکەخانەی سەرەکی وڵاتیش بۆ ماوەیەکی کاتی داخرا.

 

ئەوەی پێویستە بیزانیت: ئەم هێرشە دوای ئەوەی هات کە دوێنێ، کارۆل ناوەرۆکی، سەرۆکی نوێی پۆلەندا هۆشداری دا لەوەی ''ڤلادیمێر پووتین، سەرۆکی ڕووسیا نیازی داگیرکردنی وڵاتی دیکەشی هەیە و متمانەمان پێی نییە.''

 

ئەوەی پێویستە بیزانیت: پۆڵەندا، وڵاتێکی ئەندامی ناتۆیە و هاوپەیمان و لایەنگرێکی سەرەکی ئۆکرانیایە، زیاتر لە ملیۆنێک پەنابەری ئۆکرانی لەو وڵاتەن و خاڵی سەرەکی گواستنەوەی یارمەتییە مرۆیی و سەربازییەکانی ڕۆژئاوایە بۆ کیێڤ.