ئاگرێکی گەورە لە بازاڕی چەلێی شاری دهۆک کەوتووەتەوە

ئاڤا نیوز

 

ئاگرێکی گەورە لە بازاڕی چەلێ لە دهۆک کەوتووەتەوە و تاوەکو ئێستا ئاگرەکە کۆنترۆڵ نەکراوە، بەپێی زانیارییەکان بەهۆی ئاگرەکەوە بریندارێک هەیە.

 

چیرۆکی سەرەکی: نزیک کاتژمێر 04:00ـی بەرەبەیانی ڕۆژی دووشەممە 01-04-2024 ئاگرێکی گەورە لە بازاڕی چەلێ لە سەنتەری شاری دهۆک کەوتەوە و تاوەکو کاتی ئامادەکردنی ئەم هەواڵە (کاتژمێر 05:19 خولەکی بەرەبەیان) نەتوانراوە ئاگرەکە کۆنترۆڵ بکرێت.

 

هۆکارە زانراوەکان: بەڕێوەبەری بەرگریی شارستانیی دهۆک بۆ ئاڤا نیوز ڕایگەیاند: گومان دەکرێت ئاگرەکە بەهۆی شۆرتی کارەباوە ڕوویدا بێت، لێکۆڵینەوەکان لەمبارەیەوە دەستیانپێکردووە و دواتر هۆکارەکەی ئاشکرا دەکرێت.

 

لێدوانی پەیامنێر: ڕۆژهات لوقمان، پەیامنێری ئاڤا نیوز لە دهۆک ڕایگەیاند: تیمەکانی بەرگریی شارستانیی دهۆک  خێرا گەیشتوونە شوێنی ڕووداوەکە بۆ کۆنترۆڵکردنی ئاگرەکە، بەڵام بەهۆی گەورەیی ئاگرەکە تاوەکو  ئێستا کۆنترۆڵ نەکراوە.

 

زیانە سەرەکییەکان: بەهۆی ئاگرەکە کەسێک بریندارە و ڕەوانەی نەخۆشخانە کراوە، هەروەها نزیکەی 100 دووکان سووتاون