شارەزایەکی ئابووری: نەوتی ڕەشی عێراق بەقاچاخ بۆ ئیمارات دەبرێت نەک ئێران

ئاڤا نیوز

نەبیل مەرسوومی، شارەزای ئابووری ئاشکرای کرد، نەوتی ڕەشی عێراق بۆ پاڵاوگەیەکی ئیمارات بەقاچاخ دەبرێت و پاشان وەک بەرهەمی نەوتیی هاوردەی عێراق دەکرێتەوە.

لێدوانی فەرمی: مەرسوومی لە چاوپێکەوتنی تەلەفزیۆنیدا ڕایگەیاند: نەوتی ڕەش لە پاڵاوگەکانەوە بە تەنکەر دەگوازرێتەوە بۆ بەندەری جەبەل عەلی لە ئیمارات، لەوێشەوە بۆ پاڵاوگەی روەیس، پاش پاڵاوتنی جارێکی دیکە وەک بەرهەمی نەوتی بەتایبەتی بەنزینی سوپەر و موحەسەن بۆ عێراق هاوردە دەکرێتەوە.

زانیاریی زیاتر: مەرسوومی ئاماژەی بەوەکرد، کە نەوتی ڕەشی عێراق بەهیچ شێوەیەک بەقاچاخ بۆ ئێران نابرێت، چونکە ئێران پاڵاوگەی پێشکەوتووی بۆ دووبارە پاڵاوتنی وەک بەرهەمە نەوتییەکان نییە.