کۆمیسیۆن وادەی ئەنجامدانی تیروپشک بۆ کارمەندانی سەر سندووقی دەنگدان ڕادەگەیێنێت

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق وادەی ئەنجامدانی تیروپشک بۆ کارمەندانی سەر سندووقی دەنگدان ڕادەگەیێنێت.

وێنە گەورەکە: کۆمیسیۆنی باڵای سەربەخۆی هەڵبژاردنەکانی عێراق بۆ بەڕێوەبردنی پرۆسەی هەڵبژاردن پێشتر ڕایگەیاندبوو پێویستییان بە زیاتر لە 250 هەزار کارمەند هەیە، بەڵام زیاتر لە 800 هەزار کەس داواکارییان پێشکەش کردووە.

لێدوانی فەرمی: دکتۆرە ئەحلام جابری، ئەندامی ئەنجوومەنی کۆمسیاران، بە ڕۆژنامەی "سەباح"ی ڕاگەیاند: "کۆمیسیۆن ڕۆژی یەکشەممە 2025-9-14ـی وەک وادەی ئەنجامدانی تیروپشک بۆ کارمەندانی بنکەکانی دەنگدان بۆ هەڵبژاردنەکانی ئەنجوومەنی نوێنەران دیاریکرد".

لەلایەکی دیکەوە: چوارشەممە 2025-9-10، کۆمیسیۆنی هەڵبژاردنەکانی عێراق کرێی کارمەندانی چاودێری کردنی هەڵبژاردنی داهاتووی پەرلەمانی ئاشکرا کرد. 

باکگراوند: بڕیارە  مانگی 11ـی ئەمساڵ هەڵبژاردنی خولی شەشەمی پەرلەمانی عێراق بەڕێوەدەچێت، کۆمیسیۆنی باڵای سەربەخۆی هەڵبژاردنەکانی عێراقیش بەردەوامە لە ئامادەکارییەکان بۆ ئەو مەبەستە.