387 هەزار کارتی دەنگدەرانی هەرێمی کوردستان لە بەغدا ماوە

ئاڤا نیوز

بەپێی بەدواداچوونێكی ئاڤا؛ ئێستا 387 هەزار كارتی دەنگدەرانی هەرێمی كوردستان لە كۆمسیۆنی باڵای سەربەخۆی هەڵبژاردنی عێراق ماوە و نەنێردراوە، بەرپرسی دەستەی هەڵبژاردنەکانی هەرێمی کوردستان لە کۆمیسیۆنیش دەڵێت: 'کارتەکان لە  15  مانگ لە ئیتاڵیا چاپ دەکرێن و بۆ عێراق دەنێردرێن.

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای هەڵبژاردنەکای عێراق بە ئاڤا میدیای ڕاگەیاند: کارتی دەنگدانەکان لە ئیتاڵیا چاپ دەکرێت وا بڕیارە لە 15ی ئەم مانگە بۆ عێراق دەنێردرێت، ئێمەش لە 20 تا 22ی ئۆکتۆبەر تا 1-11-2025 دەست بە دابەشکردنی دەکەین.

زانیاریی زیاتر: کۆی گشتیی کارتی دەنگدانی عێراق بە هەرێمی کوردستانیشەوە کە هێشتا چاپ نەکراون دوو ملیۆن کارتی دەنگدانە.

- هەرێمی کوردستان 338 هەزار کارتی دەنگدانی ماوە بۆی بنێردرێتەوە، بەم جۆرە بەسەر شارەکاندا بەم دابەش دەکرێت.

- هەولێر 162 هەزار کارتی دەنگدان.

- سلێمانی 134 هەزار کارتی دەنگدان.

- دهۆک 91 هەزار کارتی دەنگدان.

- ئەو کەسانەی تەمەنیان گەیشتووەتە 18 ساڵ و یەکەم جارە مافی دەنگدانیان لە هەرێمی کوردستان دەبێت، ژمارەکەیان 100 هەزار کەسە، بەڵام تەنیا 75 هەزار کەسیان بۆ بایۆمەتری و دەرکردنی کارتی دەنگدان سەردانیان کردووین.

- لە هەرێمی کوردستان سێ ملیۆن و 96 هەزار کەس مافی دەنگدانیان لە هەڵبژاردن هەیە.