ژمارەی کوژراوانی سوپای ئیسرائیل بۆ 600 کەس بەرزبووەوە

ئاڤا نیوز

سوپای ئیسرائیل کوژرانی سەربازێکی دیکەی و بەرزبوونەوەی ژمارەی کوژراوانی ڕاگەیاند.

ڕاگەیێنراوی فەرمی: سوپای ئیسرائیل ڕایگەیاند، سەربازێکی تەمەن 20 ساڵ بە ناوی ناداڤ کۆهێن کوژراوە، بەمەش کۆی گشتی کوژراوانی سوپا لە سەرەتای شەڕەوە گەیشتووەتە 600 کەس.

زانیاریی زیاتر: کۆهێن لە کاتی ڕووبەڕووبوونەوەی چەکداری لە کەرتی غەززە کوژراوە. 

لەلایەکی دیکەوە: وەزارەتی تەندروستیی غەززە کشانەوەی سوپای ئیسرائیلی لە دەوروبەری نەخۆشخانەی شیفا ڕاگەیاند. 

باکگراوند: لە 7ـی ئۆکتۆبەری ساڵی ڕابردووەوە شەڕی نێوان ئیسرائیل و حەماس دەستی پێکردووە. بە هۆی هێرشی ئیسرائیل بۆ سەر کەرتی غەززە نزیکەی 33 هەزار کەس کوژراون.