ترەمپ دەستگیرکردنی گومانلێکراوێکی بە کوشتنی کیرکی ڕاگەیاند

ئاڤا نیوز

دوای سێ ڕۆژ لە کوژرانی چارلی کیرک، نووسەر و چالاکوانی ڕاستڕەوی ئەمریکا، دەستگیرکردنی گومانلێکراوێک ڕاگەیێنرا.

چیرۆکی سەرەکی: کیرک ڕاستڕەوێکی کۆمارییەکان بوو کە لە هەڵمەتی بانگەشەکانی سەرۆکایەتیی ئەمریکا بانگەشەی بۆ دۆناڵد ترەمپ دەکرد. ڕۆژی چوارشەممە لە کاتی قسەکردن بۆ جەماوەرێکی زۆر لە زانکۆی یوتا ڤالی تەقەی لێکرا و کوژرا.

لێدوانی فەرمی: دۆناڵد ترەمپ، سەرۆکی ئەمریکا، لە چاوپێکەوتنێک لەگەڵ فۆکس نیوزی ئەمریکی ڕایگەیاند کە تۆمەتبارێک بە کوشتنی کیرک، دەستگیرکراوە.

زانیاریی زیاتر: گومانلێکراو بە کوشتنی کیرک کەسێکی نزیک لە خۆی بووە و لێی هەڵگەڕاوەتەوە و کوشتوویەتی.

ئەمەش بزانە: هێشتا ناسنامەی گومانلێکراوەکە بە فەرمی ئاشکرا نەکراوە.