سەرۆکوەزیرانی نوێی نیپاڵ سوێندی خوارد

ئاڤا نیوز

سوشیلا کارکی، سەرۆکی پێشووی دادگای باڵای نیپاڵ، سەرۆکوەزیرانی کاتیی ئەو وڵاتە دەستبەکار بوو.

چیرۆکی سەرەکی: کارکی، تەمەن 73 ساڵ، لە میانی ڕێوڕەسمێکی کورتدا سوێندی یاسایی خوارد و بووە یەکەم ژنە سەرۆکوەزیران لە مێژووی نیپاڵدا. بڕیارە لە ماوەی چەند ڕۆژێکدا وەزیرەکانی کابینەکەی دەستنیشان بکات.

وێنە گەورەکە: لە میانی خۆپیشاندانە جەماوەرییەکانی ئەم هەفتەیەدا کە بەهۆی قەدەغەکردنی تۆڕە کۆمەڵایەتییەکانەوە سەریهەڵدا، پەرلەمان سوتێنرا، حکومەت ڕووخا و زیاتر لە 50 کەس کوژران.

ئەمەش بزانە: دانانی کارکی وەک سەرۆکوەزیران لە ئەنجامی ڕێککەوتنی نێوان سەرۆک کۆمار و نوێنەرانی خۆپیشاندەران و بە ڕاوێژ لەگەڵ کەسانی یاسایی وڵات بوو و دوای چەند ڕۆژێک ڕاوێژ و گفتوگۆ ئەنجامدرا. 

زانیاریی زیاتر: بڕیارە هەڵبژاردنی گشتی لە 5ی ئازاری ساڵی داهاتوو بەڕێوەدەچێت.